 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Ruiny zamka.
Dzikaja ziamla.
Dy čezłyja naŭkoł kusty šypšyny.
A na ścianie ŭcalełaj – tvar žančyny,
Nałožnicy staroha karala.
Była jana nałožnicaj ci nie,
Dy ŭładarom vałodała krasoju –
Jon zahadaŭ
łičyć jaje śviatoju
I ŭviekaviečyć
Na hłuchoj ścianie.
Svavolny byŭ karol toj, jak dzicia.
Nia viedaŭ miežaŭ ščodraści i złości...
Daŭno struchniełi ŭładarovy kości
Pad čezłymi šypšynami žyćcia.
Imia jaho zabyta ŭ tych krajach,
Dzie jon svavołiŭ i chadziŭ vajnoju
Na ŭsich susiedziaŭ,
Kab ahniom,
Manoju
Pakoru adnaŭlać u ich
I strach...
Dy nie astyŭ
vačej błakitny var
Žančyny toj! –
Łijecca na abšary...
I śviecicca
Tuhoj byłych pažaraŭ
Drapiežna-volny
pałačanski tvar.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
